किये खे ओटा

जुब्लो उटेयो कोमाया रुपिया 
कालेजो भेजा एकला भुपिया 


देस न देखी रात न जाणी 
दौ पोड़ा चाए बोर्शु पाणी


जेत्ते मांगे ताखे रुपिया दिते 
खोर्चे तेरे खेतो बे बिके 


ओब्रे रोई न कोवें बाखोर 
शिरो गाशे रोऊ एक छापोर 


पाणीए सातु खाए आमे रो बाबे 
ताखे भेजों थिए घियो के डाबे 


पालियो किया मोटा झोटा 
पर मेरा तू किये खे ओटा


चोरो गुंडे रा सोंग्तो किया 
चीजे सालो बे फोएल गिया 


चोरी बोरी रो झोगड़े बाणे 
आमा बाबा लाये शाणे रो बाणे


बूड़े बाबे री कोमरो तोड़ी 
उंडी दे धिये जोयरो पोड़ी


एकी देसो जोबे पुलिस आई 
पाक्ड़ी निया धियो रा भाई 
माँ रे जियो दी कायली आई 


खून पोड़ा कोयदी खोटा 
भेजा थिया कालेजो पोड़दा 
पर मेरा तू किये खे ओटा |