नोआ साल
नोए जोमाने रा नोआ साल
नोए सालो री नोई नोई बातो
नोई सांडनी टोल मारे
नोई हांडणी बाटो
छाड्यो माण मख्ते
चोयनी री जिंदगी काटो
जाणो ए तुंये भिडियो बोलोद
दुइनी की मुंडो फाटो
देसो के मचिये घोर उजाडो
शेटो कोमाई खातो
चोरि कोरो आपणी देई की
कुड्बे रे भाग फाटो
धियो बेटी म्हारे घोरो की ठोगड़ी
एनो पेटो दी न काटो
भोले माणशो चालो कोबे
एकी पुडो दी घोरटो
माणशो बोयरी हो आमाण शो रा
तिडो जियो दी फाटो
रकोश बोणी गिया मानुष
मुयो देयो लोउ री छाटो|| 